unico

自從幾年前曾經整過一個貌似"西潮大餅"的蛋糕送比朋友之後， 一直都未再整過。最近男友生日，終於的起心肝試下上堂學整蛋糕。

今次整0既係tiramisu，成個過程都唔算太難，而且非常好玩。

除左我之外同班仲有三個女仔都係整比男友作為生日蛋糕，原來咁多男友係巨蟹座0架喎，呵呵。

姊姊們，有無興趣下次一齊去學整蛋糕呀？

剛剛過去0既星期六, 日, 分別同0左兩班唔同0既舊同學聚舊。

大家畢竟都已經出0黎做0野幾年喇, 話題都開始由以往0既八卦0野、飲飲食食同潮流等等, 轉為講工作、投資, 什至係結婚。

MYC果班舊同學其實好耐先會聚一次舊, 而我又或者太少主動聯絡佢地啦, 我0既消息真係OUT得緊要。今次聚會最令我驚訝0既, 係原來有0的同我無聯絡0既舊同學已經結0左婚, 什至係有埋小朋友添。

諗清楚, 其實都唔係奇事0既。大家再過幾年都三字頭lu, 係時候過渡至人生另一階段。

mini cooper張相係我昨日食完飯向尖沙咀影0既。架車實在太cute, 好多人都忍唔住要同佢影張相。

p.s. 我部手機0既像數太低, 所以copy0左個friend影0個三張放上呢度。

五日四夜的沙巴之旅終於完lu…

講靚, 其實我會覺得布吉0既海底世界同沙灘好似靚0的0的, 但今次間酒店真係好正。

雖然我book唔到酒店0既resort房, 但一樣可以入去resort度hea同玩。間酒店大到有五, 六個泳池, 兩個私人沙灘同一個好大好大0既golf場, 環境簡直一流。如果下次再去東南亞玩, 真係寧願比多少少錢, 簡一間靚0的0既酒店享受下。

成個trip最難忘0既都算係玩激流果日。之前都聽同事講過, 玩激流0既地點係比較遠同埋要坐當地唯一0既火車。本來都預0左架火車會好舊, 但我無諗過架車會遲0左成個鐘先到站, 同埋途中竟然因為無電油而要成車人0向火車入面"乾蒸"0左兩個鐘。不過, 0個激流真係幾好玩。最搞笑就係, 玩到差唔多完時, 我地隻艇竟然過唔到個急流, 成隻艇反0左。跌落水果刻驚到唔知點算(真係有諗過會唔會…), 好彩另一隻艇0的Guide醒, 即刻0拿0拿淋拖返我地成船人上佢地隻艇咋。

去完呢個trip, 我都幾佩服當地0既回教女性。佢0地原來除了平日出街要包住個頭同條頸之外, 連snorkeling果時 都需時包圍巾同著住t-shirt長褲落水。

A為了C與拍拖四年的女友B分手。但後來C竟然跟A的朋友D拍拖。A很不忿D橫刀奪愛兼享齊人之福(D另有一女友E), 所以最近經常找朋友吐苦水。

偶然都會從朋友口中聽到一0的咁有"戲味"的愛情故事。雖然呢0的事通常都同我無咩直接關係, 但有時又確實幾刺激到我的神經同平淡的生活。昨日為了A的事, 便同男友討論0左成個鐘頭。大家的意見未至於一樣, 但都覺得容易0的滿足0既人係咪會比較快樂呢？

另, A本來應承同B下年初結婚0既。今次係我近來第二次聽到有人因為(or part of this reason)結婚而分手。真無耐。

任性係一個有年齡限制的形容詞。

因為我相信, 只有年紀經, 而且無屋企負擔0既人, 才配得上"佢"。但好無奈, 有0的人總係好似長唔大咁, 唔理自己身世, 三十幾四十歲人, 結埋婚添, 都仲話要"我想做就做"。

OK, 都咁大個人, 你想點無人可以阻止0既。不過當有人話你好"任性"時, 千祈咪沾沾自喜以為真呀。其實可能佢係話緊你自私又或者係無腦呀。